Հայաստանի տարածքային կառավարման եւ ենթակառուցվածքների փոխնախարար Արմեն Սիմոնյանն այսօր ասել է, որ «Ֆլայ Արնա ավիաընկերության լիցենզիան այս պահի դրությամբ կասեցված է»:
«Մեր օրենսդրության եւ կարգերի համաձայն՝ եթե ընկերությունը չունի օդանավ, ապա լիցենզիան կասեցվում է 6 ամսով մինչեւ օդանավ ներգրավելը: Եթե այդ ժամանակահատվածում ընկերությունն օդանավ չներգրավի, ապա լիցենզիայի գործողությունը կդադարեցվի: Խնդիրը գլխավորապես ֆինանսական է»,- ԱԺ-ում հայտարարել է փոխնախարարը:
Նա նշել է, որ տվյալ հարցն ուսումնասիրվում է եւ ավելի հստակ տեղեկատվություն լինելու դեպքում կհրապարակվի.
«Գոյություն ունի կոմերցիոն գաղտնիքի դրույթ, որը փոխկապակցված է նաեւ այլ կազմակերպությունների հետ, եւ պետք է հասկանալ` որ մասն է հնարավոր հրապարակել, որը ոչ»: