Թուրքիան փակել է իր օդային տարածքը հայկական ավիաընկերությունների ինքնաթիռների համար, որոնք թռչում են երրորդ երկրներ: Այս մասին ասել է Թուրքիայի արտգործնախարար Մևլութ Չավուշօղլուն։
Ըստ Թուրքիայի ԱԳ նախարարի՝ Անկարայի նման որոշման պատճառը Երևանում օրերս բացված «Նեմեսիս» հուշակոթողն է։ Ի դեպ, Թուրքիայի ԱԳՆ ավելի վաղ նաև այդ մասին հայտարարություն էր տարածել։
Թուրքիան Հայաստանի համար փակել է օդային տարածքը երրորդ երկրներ թռիչքների համար։ Անհրաժեշտության դեպքում ինքնաթիռներ կթողնենք մեր երկիր, բայց թույլ չենք տա օդանավերի և մասնավոր ինքնաթիռների անցումը մեր տարածքով, քանի դեռ սադրանքները շարունակվում են (Հայաստանի կողմից Թուրքիայի և Ադրբեջանի դեմ-ՏԱՍՍ), նշել է նա:
«Եթե դրանք չդադարեցվեն, ապա մենք այլ միջոցներ կձեռնարկենք»,- ասել է նա` NTV հեռուստաալիքի եթերում: