ՀՀ բարձր տեխնոլոգիական արդյունաբերության նախարարությունը 2022 թվականի «Գաղափարից մինչեւ բիզնես» դրամաշնորհային ծրագրի շրջանակում հայտարարում է «Համագործակցություն հայկական աքսելերատորների հետ» դրամաշնորհային մրցույթ։
Ծրագրի շրջանակում նախատեսվում է դրամաշնորհների տեսքով ֆինանսավորում տրամադրել 2022 թվականին աքսելերացիոն ծրագրի մասնակցած ընկերություններին, որոնց կողմից ներկայացվող արտադրանքի եւ (կամ) ծառայության գաղափարը կամ նախատիպը ուղղված է բարձր տեխնոլոգիաների ոլորտում նոր արժեքի ստեղծմանը եւ (կամ) տեխնոլոգիաների կիրառմամբ արդի խնդիրների եւ մարտահրավերների լուծմանը:
Դրամաշնորհային ծրագրի ընդհանուր բյուջեն կազմում է 30,000,000 (երեսուն միլիոն) ՀՀ դրամ, որը նախատեսվում է բաշխել մրցույթը հաղթահարած ընկերությունների միջեւ (յուրաքանչյուրին՝ մինչեւ 5,000,000 (հինգ միլիոն) ՀՀ դրամ):
Մրցույթի վերաբերյալ բոլոր մանրամասները՝ անցկացման կարգը, հայտ կազմելու եւ ներկայացնելու պայմանները ներկայացված են նախարարության պաշտոնական կայքում՝ հետեւյալ հղումով: