Իսրայելի նախագահ Իցհակ Հերցոգը հայտարարել է, որ Իրանը կդառնա ԱՄՆ նոր նախագահ Դոնալդ Թրամփի «օրակարգի գլխավոր հարցը», հաղորդում Է Times of Israel-ը:
«Իրանը կդառնա նրա օրակարգի գլխավոր հարցը շատ մոտ ապագայում, և այն պետք է քննարկվի»,-Դավոսի Համաշխարհային տնտեսական համաժողովում լրագրող Ֆարիդ Զաքարիայի հետ զրույցում հայտարարել է Հերցոգը։
«Իրանը չի կարող միջուկային ներուժ ունենալ և պետք է վերջ տա իր դրածոներին և «չարիքի առանցքին», – հայտարարել Է Իսրայելի նախագահը:
«Թեհրանի ռեժիմն օրեցօր աշխատում է նույնիսկ հիմա… նրանք շտապում են ռումբի մոտ և, իհարկե, անընդհատ ահաբեկչություններ են ծրագրում ամբողջ աշխարհում և մեր տարածաշրջանում», – հավելել է նա: