Նոյեմբերի 26-ին Տավուշի մարզում հրդեհաշիջման աշխատանքների իրականացման ընթացքում տեղի է ունեցել դժբախտ պատահար. Լոռու մարզային փրկարարական վարչության Վանաձորի թիվ 2 հրշեջ-փրկարարական ջոկատի ծառայողական մեքենան վթարի է ենթարկվել:

Ինչպես հայտնել է ՆԳՆ փրկարար ծառայությունը, ծառայողական պարտականությունները կատարելու ժամանակ զոհվել է հրշեջ-փրկարար, փ/ծ սերժանտ Տարոն Սիմոնյանը։

Պատահարի հետևանքով տուժել է փրկարարական 4 ծառայող:

ՆԳՆ փրկարար ծառայությունը խորին ցավակցություն է հայտնել զոհված փրկարարի ընտանիքին, հարազատներին և ծառայակիցներին։