Իր հայտարարության մեջ Արզաքանցյանը նշել է, որ շատ է ցավում կատարվածի համար և պնդել, որ կինը նման քայլի է դիմել «վատ հոսանքի» ու արտաքին ազդեցությունների պատճառով: Նա հավելել է, որ ընտանիքում եղել են սովորական վեճեր, սակայն հերքել է ֆիզիկական բռնության մասին լուրերը՝ նշելով, որ հարցերը կպարզվեն իրավական ճանապարհով:

Հիշեցնենք, որ Նատալյա Ռոտենբերգը դիմել էր ՀՀ ՆԳՆ ոստիկանության Արաբկիրի բաժին՝ հայտնելով, որ ամուսնու կողմից վերջին տարիներին պարբերաբար ենթարկվել է բռնության:

Ոստիկանությունում կազմված փաստաթղթերն արդեն փոխանցվել են ՀՀ Քննչական կոմիտե՝ դեպքի հանգամանքները լիարժեք պարզելու և վարույթ նախաձեռնելու հարցը որոշելու համար: