ԱՄՆ նախագահ Ջո Բայդենը որոշել է երկրորդ անգամ առաջադրվել 2024 թվականի նախագահական ընտրություններին։ Այս մասին հայտնում է ամերիկյան NBC հեռուստաալիքը։
«Սեպտեմբերին քարոզիչ Ալ Շարփթոնի հետ հանդիպման ժամանակ նա ասել է, որ կրկին պատրաստվում է գնալ այդ քայլին», – նշում է հեռուստաալիքը։ Ավելի վաղ Միացյալ Նահանգների ղեկավարի պաշտոնակատարը չէր հայտարարել երկրորդ ժամկետով վերընտրվելու իր մտադրության մասին։
ԱՄՆ հաջորդ նախագահական ընտրությունները նշանակված են 2024 թվականին։ Ավելի վաղ հաղորդվել էր, որ Biden for President շարժման գրանցման դիմում է ներկայացվել։ Որպես թեկնածուներ առաջադրվել են Ջո Բայդենը և ԱՄՆ փոխնախագահ Քամալա Հարիսը։