Էկոնոմիկայի նախարար Գևորգ Պապոյանը 𝐒𝐩𝐞𝐜𝐢𝐚𝐥𝐄𝐮𝐫𝐚𝐬𝐢𝐚 տեղեկատվական-վերլուծական կայքին տված հարցազրույցում անդրադարձել է մի շարք թեմաների:
Ըստ նախարարի՝ անկախությունից ի վեր Հայաստանի տնտեսությունը ենթարկվել է զգալի տրանսֆորմացիայի. ի սկզբանե ծանրաբեռնված լինելով խորհրդային անարդյունավետ տնտեսության մնացորդներով՝ Հայաստանը բախվել է լուրջ խնդիրների, ինչպիսիք են բարձր գնաճը, ՀՆԱ-ի անկումը և բնական ռեսուրսների սահմանափակությունը:
Աշխարհագրական դիրքը և բերրի հողերի բացակայությունն ավելի են սրել այս դժվարությունները: Այնուամենայնիվ, այսօր երկիրը դիվերսիֆիկացրել է իր ՀՆԱ-ն գյուղատնտեսության, արդյունաբերական արտադրության, առևտրի, շինարարության և տրանսպորտի ոլորտներում:
Անդրադառնալով արտահանման և ներմուծման ծավալներին՝ նախարարը նշել է, որ արտահանումը՝ ներառյալ վերամշակված ադամանդները, մեքենաները և պղնձի հանքաքարը, հակազդում են ներմուծմանը՝ ինչպիսիք են գազը, նավթը և պարենային ապրանքները:
Մարտահրավերները, ինչպիսիք են ներդրումների ցածր տեմպերը, սահմանափակ մարդկային կապիտալը և կլիմայի փոփոխության ազդեցությունը, որոնք սրվել են Լեռնային Ղարաբաղից տեղահանվածների հոսքով, ընդգծում են այն խոչընդոտները, որոնք Հայաստանը պետք է հաղթահարի:
Հարցազրույցն ամբողջությամբ՝ այստեղ: