TikTok-ը հայտարարել է, որ սեպտեմբերին հեռացրել է չորս միլիոն տեսանյութ, որը ԵՄ-ում համարվել է անօրինական կամ վնասակար, գրում է Еuronews-ը:

Պլատֆորմը պնդել է, որ ունի ավելի քան 5 000 աշխատուժ, որը զբաղվում է բովանդակության մոդերատորությամբ և միայն ԵՄ-ում՝ 40 000 մարդ պատասխանատու է ամբողջ աշխարհի օգտատերերի պաշտպանության համար:

Սոցիալական ցանցը բացատրել է, որ ներդրել է գործիք, որը թույլ է տալիս իր եվրոպացի օգտատերերին տեղեկացնել անօրինական բովանդակության մասին:

Առաջին ամսվա ընթացքում TikTok-ը ստացել է 35 000 ահազանգ՝ կապված 24 000 տեսանյութի հետ։ Դրանցից 16 տոկոսի նկատմամբ ձեռնարկվել են գործողություններ՝ ներքին կանոնակարգի համաձայն:

Բովանդակության մոդերատորները նույնպես ապավինում են ավտոմատացված գործիքներին: Թիմում ընդգրկված են ԵՄ-ի ավելի քան 24 պաշտոնական լեզուներով խոսող անհատներ, այդ թվում՝ շուրջ 860 գերմանախոս և ավելի քան 650 ֆրանսախոս աշխատակիցներ: