«Հարուստ հայրիկ, աղքատ հայրիկ» բեսթսելեր հեղինակ և գործարար Ռոբերտ Կիյոսակին համեմատել է CBDC-ն ԱՄՆ-ում Ջորջ Օրուելի «1984» վեպի կերպարի հետ և կոչ արել ներդրումներ կատարել առաջին կրիպտոարժույթում:
«Իր «1984» գրքում Ջորջ Օրուելը զգուշացրել է՝ «Մեծ եղբայրը հետևում է»: Բայդենի CBDC-ն այդ «մեծ եղբայրն» է»,- գրել է Կիոսակին։
Նա կոչ է արել գնել «ավելի շատ ոսկի, արծաթ և բիթքոյն»:
Թվային դոլարի գործարկման գաղափարը քննադատության է ենթարկվում նաև քաղաքական գործիչների կողմից։ Փետրվարին կոնգրեսական Թոմ Էմմերը ներկայացրել է օրինագիծ՝ պաշտպանելու ֆինանսական գաղտնիությունը կենտրոնական բանկի թվային արժույթն օգտագործելիս:
Ռոբերտ Կիյոսակին քննադատել է թվային դոլարի գաղափարը
Ավելի ուշ նա հայտարարեց, որ CBDC տեխնոլոգիան վիրավորում է ամերիկյան արժեքները և կարող է նպաստել քաղաքացիների «ֆինանսական վերահսկողությանը»:
Ապրիլին Տեխասի հանրապետական սենատոր Թեդ Քրուզը թվային դոլարի գործարկումն անվանել է «չափազանց վտանգավոր» հասարակության համար, քանի որ կառավարությանը հասանելի կլինի յուրաքանչյուր գործարք: Միաժամանակ նա գովել է բիթքոյնը և խոսել ակտիվում իր ներդրումների մասին։
Հիշեցնենք, որ 2022-ի սեպտեմբերին Կիյոսակին կոչ էր արել ներդրումներ կատարել թվային ակտիվներում՝ տնտեսական ճգնաժամի կանխատեսմամբ:
2023-ի գարնանն էլ բիթքոյնն անվանեց «ժողովրդի փող» և կանխատեսեց, որ դրա գինը կբարձրանա մինչև 100 հազար դոլար: