Ամերիկյան անօդաչու թռչող սարքերը շարունակում են թռչել Սև ծովի վրայով ռուսական երկու Սու-27 կործանիչների հետ տեղի ունեցած միջադեպից հետո, սակայն փոխել են իրենց երթուղին. հայտնում է CNN-ը՝ վկայակոչելով ամերիկացի երկու պաշտոնյաների։
CNN-ի տվյալներով՝ անօդաչու թռչող սարքերը շարունակում են թռչել միջազգային օդային տարածքում, մինչդեռ դրանց երթուղիները հեռու են Ղրիմից և Սև ծովի արևելյան շրջանից: Պաշտոնյաներից մեկի խոսքով՝ այս կերպ ամերիկացիները փորձում են խուսափել սադրանքներից, քանի որ նախագահ Ջո Բայդենի վարչակազմը փորձում է կանխել միջադեպը, որը կարող է վերածվել ԱՄՆ-ի և Ռուսաստանի միջև ուղիղ հակամարտության։