Իսպանիայի ոստիկանությունը հայտնաբերել է սյուրռեալիստ նկարիչ Սալվադոր Դալիի հարյուրամյա երկու նկարները, որոնք գողացել էին անցյալ տարի Իսպանիայի Բարսելոնա քաղաքում տեղի ունեցած կողոպուտի ժամանակ: Այս մասին հայտնում է CNN-ը։

Ոստիկանության հայտարարությունների համաձայն ՝ նրանք ձերբակալել են 50, 53 և 55 տարեկան երեք եղբոր, որոնցից առգրավվել են նկարչի 1922 թվականի երկու նկարները, որոնք հեղինակի խնդրանքով արվել են գրքի նկարազարդման համար: Ոստիկանները առգրավել են նաև արվեստի այլ գործեր, այդ թվում՝ իսպանացի նկարիչ Ժոան Միրոյի գրաֆիկական աշխատանքները։

Շագանակագույն թղթի վրա նկարված երկու մուգ գյուղական բնանկարների իսկությունը հաստատել են «Գալա-Սալվադոր Դալի» հիմնադրամում, որին պատկանում են հանգուցյալ նկարչի աշխատանքների հեղինակային իրավունքները: