Ուկրաինան չի հրաժարվել այն դիրքորոշումից, որ Ղրիմը պետք է վերադարձվի ուժային մեթոդներով, իսկ Ռուսաստանի համար Դա նշանակում է ՌԴ տարածքի օտարման քննարկում, այդ մասին խոսք լինել չի կարող, հայտարարել է Ռուսաստանի նախագահի մամուլի քարտուղար Դմիտրի Պեսկովը: Տեղեկատվությունը փոխանցւմ է ՌԻԱ Նովոստին:
Ավելի վաղ Վլադիմիր Զելենսկին խոսել էր Ղրիմի ճակատագիրը ոչ ռազմական ճանապարհով որոշելու պատրաստակամության մասին։ Financial Times թերթին տված հարցազրույցում նա խոստովանել է, որ Ղրիմի ճակատագրի հարցը բարձրացվում է միջազգային օրակարգում։ Միևնույն ժամանակ, նա նշել է, որ ոչ ոք չպետք է վատնի իր ժամանակը, եթե Ղրիմի վերաբերյալ որոշումը ենթադրում է, որ այն մտնում է Ռուսաստանի Դաշնության կազմի մեջ:
«Դուք գիտեք, որ հենց սկզբից Ուկրաինայի սահմանադրության մեջ խոսքն այն մասին էր, որ Ղրիմը պետք է վերադարձվի Ուկրաինային ուժային մեթոդներով, ուժային ճանապարհով։ Եվ դե ֆակտո Ուկրաինան դրանից չի հրաժարվել, մեզ համար դա ոչ այլ ինչ է, քան Ռուսաստանի Դաշնության տարածքների օտարման թեմայի քննարկում, այստեղ որևէ այլ ըմբռնում չի կարող լինել, դրա մասին խոսք լինել չի կարող», – ասել է Պեսկովը լրագրողներին՝ մեկնաբանելով Զելենսկու հայտարարությունները։
ՌԴ նախագահի մամուլի քարտուղարի խոսքով ՝ ցավոք, ռուսական ԶԼՄ-ները բացարձակապես սխալ են փոխանցել արտահայտությունների էությունը։
Բացի այդ, Պեսկովը կարծում է, որ Ուկրաինայի նախագահի նման հայտարարությունները խոսում են այն մասին, որ Կիևը չի ցանկանում օգտագործել ոչ ռազմական մեթոդներ խնդրի կարգավորման համար:
«Նման հայտարարություններն ավելորդ անգամ խոսում են այն մասին, որ ուկրաինական կողմը պատրաստ չէ, չի ցանկանում եւ չի կարող պատրաստ լինել խնդրի կարգավորմանը ոչ ռազմական մեթոդներով», – ընդգծել է Պեսկովը: