«Վերջերս Ադրբեջանի դեմ կեղտոտ սադրանք էր նախատեսվում Ֆրանկոֆոնիայի կազմակերպության շրջանակներում, որի անդամը մենք դեռ չենք, բայց չգիտես ինչու՝ Հայաստանն է։ Այս սադրանքի հեղինակը Ֆրանսիան էր»,- ասել է Ադրբեջանի նախագահ Իլհամ Ալիևը իշխող «Նոր Ադրբեջան» կուսակցության հիմնադրման 30-ամյակին նվիրված հանդիսավոր միջոցառմանը։ Ադրբեջանի բռնապետը նեղսրտել է, թե այժմ Ֆրանսիան հովանավորում է Հայաստանին։
«Ինչպես գիտեք, այժմ Ֆրանսիան հովանավորում է Հայաստանին։ Ֆրանսիան և Հայաստանը միմյանց քույրեր են անվանում։ Նրանք կարող էին միմյանց եղբայր անվանել, բայց ինչ-ինչ պատճառներով նրանք միմյանց քույրեր են անվանում: Այնտեղ պատրաստված բանաձեւի նախնական տարբերակը հիմնված էր զուտ հակաադրբեջանական թեզերի վրա եւ լիովին հակասում էր իրականությանը։ Բոլոր հակաադրբեջանական թեզերը հանվեցին Ֆրանկոֆոնիայի կազմակերպության մեր ընկերների ջանքերի շնորհիվ՝ մենք նրանց լավ գիտենք, և նրանք մեր ընկերներն են՝ բառիս բուն իմաստով։ Ֆրանկո-հայկական տանդեմը չկարողացավ օգտվել այս հնարավորությունից»,- ասել է Ալիևը։